Севилја комплетираше уште еден одличен трансфер откако андалузискиот клуб денеска го официјализираше доаѓањето на Иско Аларкон. Шпанскиот фудбалски генијалец пристигнува како слободен играч од Реал Мадрид, а Иско се согласил на многу пониска плата од онаа што ја земаше во Реал, само за да се пресели на „Санчез Пизхуан“.
Причината е Хулен Лопетеги, тренерот под чие водство одличниот плејмејкер ги имаше своите најдобри партии, како во дресот на Реал, така и во шпанската репрезентација. Иско е свесен дека по греењето на клупата на Реал ќе му биде неопходен тренер што ќе верува максимално во неговите квалитети, што беше главна причина и покрај побогатите понуди од Англија и од Италија да се реши на останување во шпанската Ла Лига.
Договорот е потпишан на две сезони, со можност на продолжување на соработката за уште 3една дополнителна година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
