Македонскиот најтрофеен кошаркарски колектив, Работнички започна да се екипира во пресрет на новата сезона, а првото засилување ова лето е Леонид Тодоровски. Центарoт кој во минатото ги бранеше боите на Куманово и МЗТ Скопје 2 во „црвено-белиот“ табор доаѓа од Академија ФМП.
На 32 одиграни натпревари за „академиците“ во Првата лига оствари просек од 11.0 поени со 55 отстотна реализација од поле, а додаде и 4.9 скока. Притоа одигра и седум натпревари во БИБЛ лигата каде бележеше просек од 9.0 поени и 5.4 скока.
Дваесетитригодишниот Тодоровски ќе биде прво од серијата млади засилувања на Работнички. Клубот во новата сезона ќе цели на стабилизација, а очекувањата се главниот збор повторно да го има легендата на клубот, Димитар Мираковски кој ќе направи камбек на „жешкото столче“.
View this post on Instagram
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА