Унион Берлин успеа да приреди изненадување во 3. коло од Бундеслигата славејќи на домашен терен над фаворизираниот Лајпциг со 2-1. Добрата игра во првото полувреме донесе предност од два гола по 45. минути игра, а истата беше задржана и во вториот дел и покрај тоа што гостите приредија неизвесен финиш.
Џордан Зибачеу го отвори мечот со гол во 32. минута, а шест минути подоцна мрежата ја затресе и Бекер. Овој резултат остана на семафорот до 83. минута кога Орбан успеа да ја протне топката во мрежата на Ронов, но само да го ублажи поразот.
И по три одиграни натпревари Лајпциг сеуште не знае за победа, додека берлинскиот тим го запиша вториот триумф со кој се искачи на второто место на табелата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
