Македонскиот репрезентативец Стојан Ѓуроски во новата сезона повторно ќе заплива во интернационалните води откако потпиша договор со шпанскиот второлигаш Оуренсе. Тоа воедно значи и враќање на крилниот центар на добро познатото место каде во минатото ги бранеше боите на Хуеска, Mелила и Аликанте.
Искусниот 30-годишник претходната сезона ги бранеше боите на Пелистер со кој настапуваше во македонското првенство и АБА2 лигата. На 34 одиграни средби на домашната сцена оствари просек од 9.1 поен и 3.7 скока, додека на осум средби во регионалното првенство бележеше 7.0 поени и 2.6 скока.
Ѓуроски кариерата ја започна во Левски Софија, а ги бранеше боите и на Работнички, Кожув, МЗТ Скопје, Карпош Соколи и Блокотехна пред заминувањето на интернационалната сцена. Покрај Шпанија настапи и во француското првенство за Евреук.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
