Аналитичката страница FiveThirtyEight, направи проекција за шансите за освојување на Лигата на шампионите, после вчерашната ждрепка. Резултатите се интересни, а ПСЖ и Сити ги нема на местото број 1 за освојување на пехарот, иако за многумина битката ќе се води токму меѓу овие два тима.
Процена на веројатноста се пресметува врз основа на посебна формула преку која се оценуваат нападите и одбраната на екипите. На првото место со најголеми шанси за освојување на пехарот е Баерн Минхен. Германскиот шампион има дури 21% да го освои пехарот, и покрај тоа што се најде во тешка група заедно со Интер и со Барселона.
Втор фаворит е Манчестер Сити со 18% шанси, додека трет е ПСЖ со 14%. На четвртото место е Ливерпул, кој што има слаб старт во Премиерлигата, додека на петтото место е актуелниот првак Реал Мадрид.
Шансите на Барселона, Челси и Ајакс се сведуваат на мизерни 2%, додека Милан и Јувентус имаат мали шанси, односно идентични како оние на Динамо Загреб.
FiveThirtyEight Champions League predictions https://t.co/LHBVaUpk7Z
— ChelseaFCReddit (@ChelseaReddit) August 26, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
