Селекцијата на Македонија за одбојкарки до 19 години претрпе уште еден пораз на Европското првенство што се одржува во Скопје, овојпат од селекцијата на Грција со максимални 0-3 во сетови.
Нашите одбојкарки го загубија првиот сет со 17-25 а најдобар период во нивната игра беше стартот од вториот сет во кој поведоа со 9-5, но противничките се вратија и славеа со 19-25. Третиот сет повторно заврши со убедливи 17-25 за грчките одбојкарки.
Во последните две кола на овој Европски шампионат во Скопје, девојките до 19 години на Македонија ќе се судрат со фаворитките во групата Италија (31 август) и Полска (1 септември).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
