Осумкратниот светски шампион Марк Маркез изјави дека не е сигурен кога ќе може да се врати на трките откако се врати на својата Хонда за прв пат по четвртата операција на раката. .
Шпанецот пред неколку недели доби зелено светло од докторот да се врати на тренинзите, минатата недела за прв пат од крајот на мај возеше мотор, а во вторникот учествуваше на официјалните тестови во Мизано.
„Кога излегов на патеката не уживав, но потоа почнав да уживам малку повеќе. Би рекол дека повеќе страдав отколку што уживав првиот ден. Толку е едноставно, дури и при претсезонските тестирања се мачите бидејќи овие мотори се толку моќни и можете да бидете физички подготвени, но моторот е различен. Сите беа супер брзи бидејќи се во различен ритам од мене по тркачкиот викенд, но јас се концентрирав на себе. Не беше лошо. Си го следев инстинктот, после 100 дена е така, не знаеш колку си брз, ама не ми беа лоши времињата. Но, тоа не е најважното нешто, туку овие кругови, а телото и раката ми се во ред“, рече Маркез.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
