Една од најдобрите кошаркарки во историјата на мак-баскетот, Јелена Антиќ во новата сезона повторно ќе биде дел од прволигашката сцена каде ќе го носи дресот на Вардар, потврди скопскиот клуб.
Искусната 31-годишничка во главниот град се враќа по сезона помината во Баскет Кам со кој го освои трофејот во Купот на Македонија и стигна до финалето од разигрувањето за титула.
Интересно, Антиќ ова лето беше на чело на македонската кошаркарска репрезентација до 20 години, а е и дел од стручниот штаб на сениорската репрезентација како помошен тренер на сегашниот тренер на Вардар, Александар Ашаданов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
