Српската кошаркарска репрезентација со перфектни „пет од пет“ ја завршува групната фаза од Евробаскетот. „Орлите“ во последниот натпревар од овој дел од натпреварувањето славеа со убедливи 96-69 против Полска, го освоија првото место во групата и закажаа осминафинален натпревар против Италија.
Србија текот на мечот го назначи уште од првата четвртина која ја доби со 28-14, а и покрај обидите на Полјаците се враќање во натпреварот во третата четвртина нашиот сосед ја задржа двоцифрената предност и во ниеден момент не ја доведе победата во прашање.
Селекторот Светислав Пешиќ притоа успеа и да ги зачува своите клучни кошаркари, но и покрај тоа што одигра само 17. минути Јокиќ беше лидер на својот тим со 19 поени и 5 скока. Деби на Евробаскетот имаше Милутинов кој постигна 16 поени и 3 скока. Михајлак беше лидер на Полска со 17 поени и 4 скока.
Италија пак се „чекираше“ во осминафиналето од четвртото место во групата „Ц“ со триумфот над Велика Британија од 56-90 и ќе мора силите да си ги одмери најнепосакувната репрезентација на првенството.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
