Уште една тренерска смена во Серија „А“ од почетокот на сезоната. После Синиша Михајловиќ кој не е повеќе тренер на Болоња, сметката за слабите резултати ја плати и Џовани Стропа од Монца.
Челниците на овој клуб немаа трпение кон тренерот, кој успеа да ги внесе во „елитата“ и само после шест кола му врачија отказ. Парадоксално е тоа што отказот доаѓа после првиот, и засега единствен освоен бод на Монца викендов, кога одигра 1-1 со Лече.
Меѓутоа сопственикот Силвио Берлускони немаше милост, и смената доаѓа пред се поради шесте порази во низа претходно. Клупата на Монца ќе ја води Рафаел Паладино, досегашниот тренер на младинците на оваа екипа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
