Кошаркарите на Пелистер загубија од домаќинот Спартак Плевен во полуфиналето на Меѓународниот турнир „Плевен 2022“ во Бугарија.
„Пелистерци“ загубија од домаќините со 87-74 во натпревар во кој Бугарите уште од самиот почеток презедоа минимално водство, за предност од 44-37 на полувремето а потоа во вториот дел доаѓајќи и до поубедлива победа.
Овенс беше најдобриот поединец кај Пелистер со 19 постигнати поени, а кај Спартак Плевен најдобар беше Николај Стојанов со 17 поени и шест скока.
Утре, Пелистер од 15:30 часот ќе игра во мечот за третото место на турнирот против бугарски Левски, додека во финалето од 17:30 часот, Спартак Плевен ќе игра против ТФТ од Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
