Италијанските Светската автомобилска федерација (ФИА) ќе отвори истрага против Ред Бул поради сомневање дека го надминале буџетот во минатата сезона.
Познатиот италијански весник „Газета дело Спорт“ објави ексклузивна информација која би можела да ја здрма „Формула 1“.
Ако се покажат како точни сомнежите акутелниот шампион Макс Ферстапен кој вози за Ред Бул би можел да остане без титулата шампион минатата година. Челниците на ФИФА би требало да се огласат во наредните неколку дена после оваа информација.
Бројката која Ред Бул не смеел да ја надмине е 130 милиони евра, а ако цифрата е надмината за пет милиони евра би поминале со помала дициплинска казна, но ако е поголема тоа би можело да донесе големи проблеми за Ферстапен.
За потсетување, Ферстапен сезонава е на чекор да ја одбрани титулата. Во овој момент е лидер на генералниот пласман со 335 бодови, 116 повеќе во однос на второпласираниот Шарл Леклер.
До крајот на шампионатот останаа уште шест трки, а наредната се вози оваа недела во Сингапур.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
