Кристијано Роналдо и во новата сезона остана во Манчестер Јунајтед, иако беше јавна тајна дека во летниот преоден рок Португалецот бараше нов клуб.
Роналдо бил понуден и на Милан, открива новинарот Џанлука Ди Марцио, но италијанскиот великан одбил таква варијанта поради големата плата која ја барал Роналдо.
Агентот Жорге Мендеш се надевал дека Милан ќе го продаде Рафаел Леао и на тој начин ќе ослободи место, но и потребен буџет за пристигнувањето на Роналдо на „Сан Сиро“.
Милан пак сега ќе мора да работи на случајот Леао, бидејќи Португалецот засега не прифатил продолжување на договорот и веќе е цел на најбогатите европски клубови.
Преговорите на Мендеш и Милан се случиле во последните денови од преодниот рок, односно откако пропаднаа тие со Наполи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
