Новиот тренер на Баер Леверкузен, Чаби Алонсо имаше триумфален старт на клупата на „фармацевтите“. Неговиот тим со убедливи 4-0 го совлада составот на Шалке на домашен терен.
Диаби и Фримпонг во 38, односно 41. минута донесоа 2-0. Во 53. минута Фримпонг донесе и 3-0, за конечните 4-0 да ги постави Паулињо.
Ајнтрахт Франкфурт беше катастрофално поразен од Бохум со 3-0. Сите голови беа постигнати во вториот дел. Најпрво Хофман во 71. минута донесе водство, а Ндика со автогол донесе 2-0. Форстер се погрижи за 3-0.
Лајпциг освои само бод во дуелот со Мајнц на гости. Ингвартсен во 45. минута донесе предност за домашните, а Нкунку во вториот дел израмни. Со ист резултат заврши и дуелот Аугзбург – Волфсбург. Герхард ги донесе „волците“ во водство, а Гими во вториот дел успеа да израмни.
Во 18:30 часот се игра големото дерби меѓу Борусија Д. и Баерн Минхен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
