Македонија ја доби квалификациската група за пласман на Европското првенство во 2024 година во Германија. Селекторот Благоја Милевски и неговите фудбалери ги чека тешка задача за да се дојде до едно од првите две места во групата.
Освен против Украина, против останатите селекции имаме речиси добро искуство. Со Англичаните оние незаборавни 2-2 во Саутемптон и 0-0 во Манчестер, додека два пати несреќно бевме поразени дома.
Со Италија сите го паметат оној бараж дуел во Палермо, кога ги добивме со 1-0 со голот на Трајковски, и ги елиминиравме на патот кон Мундијалот во Катар. Во квалификациите имаме играно еднаш: во Скопје се извлекоа „азурите“ и победија со 2-3 со пресврт и со гол во последната секунда, додека во Торино беше 1-1.
Против Украина, Македонија има негативен биланс. Последен пат се сретнавме лани на ЕП во Букурешт, кога Украина беше подобра со 2-1. Со Украина игравме во квалификациите за пласман на ЕП 2016 година, и два пати бевме поразени без даден гол. Во Лвов беше 1-0, во Скопје 0-2. Претходно со Украинците игравме две пријателски средби на кои еднаш ги победивме со 1-0, еднаш одигравме без голови.
Против Малта, македонската репрезентација има чпет победи од пет натпревари. Од нив три се пријателски со победи од 1-0, 2-0 и 5-0, додека во квалификациите за ЕП 2000 година во Валета беше 1-2, а во Скопје 4-0 за нас.
ДОСЕГАШНИОТ РЕЗУЛТАТСКИ ЕФЕКТ ПРОТИВ СЕЛЕКЦИИТЕ ВО КВАЛИФИКАЦИИТЕ ЗА ЕП 2024
РЕЗУЛТАТСКИОТ ЕФЕКТ ПРОТИВ АНГЛИЈА
07.10.2006: Англија – МАКЕДОНИЈА 0-0
06.09.2006: МАКЕДОНИЈА – Англија 0-1
06.09.2003: МАКЕДОНИЈА – Англија 1-2
16.10.2002: Англија – МАКЕДОНИЈА 2-2
ВКУПНО: 4 0 2 2 3-5
РЕЗУЛТАТСКИ ЕФЕКТ ПРОТИВ ИТАЛИЈА
24.03.3022: Италија – МАКЕДОНИЈА 0-1
06.10.2017: Италија – МАКЕДОНИЈА 1-1
09.10.2016: МАКЕДОНИЈА – Италија 2-3
ВКУПНО: 3 1 1 1 4-4
РЕЗУЛТАТСКИ ЕФЕКТ ПРОТИВ УКРАИНА
17.06.2021 (ЕП 2020): Украина – МАКЕДОНИЈА 2-1
09.10.2015: МАКЕДОНИЈА – Украина 0-2
12.10.2014: Украина – МАКЕДОНИЈА 1-0
31.03.2004: МАКЕДОНИЈА – Украина 1-0
11.10.2003: Украина – МАКЕДОНИЈА 0-0
ВКУПНО: 5 1 1 3 2-5
РЕЗУЛТАТСКИ ЕФЕКТ ПРОТИВ МАЛТА
11.08.2010: Малта – МАКЕДОНИЈА 1-1
21.08.2002: МАКЕДОНИЈА – Малта 5-0
18.11.1998: Малта – МАКЕДОНИЈА 1-2
06.09.1998: МАКЕДОНИЈА – Малта 4-0
27.11.1996: Малта – МАКЕДОНИЈА 0-2
27.03.1996: МАКЕДОНИЈА – Малта 1-0
ВКУПНО: 6 5 1 0 15-2
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
