Во неделата Портланд Трејл Блејзерс стигна до третата победа на стартот од сезоната во НБА. Тимот од Орегон го совлада Лос Анџелес Лејкерс со 106-104 како гостин во арената „Крипто.ком“.
Клучен играч во победата на тимот на Чонси Билапс беше плејмејкерот Демијан Лилард, кој исто како и на натпреварот со Феникс два дена претходно постигна 41 поен.
Лејкерси продолжуваат со катастрофалниот почеток на сезоната и се чини дека нема промени под водство на Дарвин Хем. Леброн Џејмс и неговите пријатели ги имаат сите три порази на стартот и не изгледаат високите амбиции за кои зборуваа во текот на летото.
Кај Лејкерси Леброн Џејмс имаше 31 поен со 8 скока и асистенции и 4 загубени топки. Ентони Дејвис додаде 22 поени и 10 скока, а Лони Вокер постигна 15 поени.
Più di 30 secondi alla fine, 20 secondi allo scadere dei 24, la tua squadra è sopra di 1: la scelta di Russell Westbrook.#NBAtipopic.twitter.com/AC5RrsJD6m
— La Giornata Tipo (@parallelecinico) October 23, 2022
Од останатите настпревари Оклахома загуби од Минесота со 116-106. Минесота конечно го разработи нападот, а тоа беше видливо во конечниот резултат. Ентони Едвардс постигна 30 поени со 11 скока и три асистенции, а го следеше Руди Гобер со по 15 поени и скока.
„Почетната постава е работа во тек, но се гледа напредок. Мислам дека бевме многу добри вечерва. Тоа е само процесот низ кој поминуваме, различните петки и момците кои играат со Руди, тоа е крива за учење за нас во овој момент“, рече тренерот на Минесота, Крис Финч.
НБА резултати:
Кливленд – Вашингтон 117:107 стр
Њу Орлеанс – Јута 121:122
Оклахома – Минесота 105:116
Голден Стејт – Сакраменто 130:125
ЛА Клиперс – Феникс Санс 95:112
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
