Актуелниот шампион на Македонија, Шкупи ќе го пречека Тиквеш на домашен терен во најинтересниот натпревар од денешната програма во Првата македонска фудбалска лига. Тиквеш е едно од најголемите изненадувања сезонава во елитата, а можат ли кавадарчани да ги продолжат одличните партии и на гостувањето кај шампионот.
По минатонеделниот прв пораз лидерот Струга Трим и Лум ќе има нов незгоден натпревар на гостувањето во Прилеп кај Победа. По слабиот старт по кам-бекот во елитата, прилепчани полека, но сигурно фаќаат залет.
Во Автокоманда „фенерџијата“ Скопје ќе ја пречека тетовска Шкендија, додека на терените на ФФМ ќе се сретнат Работнички и Силекс. За потсетување во премиерниот натпревар од оваа рунда, вчера Брегалница славеше над Академија Пандев со 1-0.
Слободна во ова коло е Македонија ЃП.
ПМФЛ – 12. КОЛО (денеска, 14 ч.)
Скопје: СКОПЈЕ – ШКЕНДИЈА
Скопје: РАБОТНИЧКИ – СИЛЕКС
Прилеп: ПОБЕДА – СТРУГА ТЛ
Скопје: ШКУПИ – ТИКВЕШ
ВЧЕРА
Штип: БРЕГАЛНИЦА – АКАДЕМИЈА ПАНДЕВ 1-0
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
