Познатиот НБА аналитичар, Бил Симонс ексклузивно открива дека поранешниот американски претседател Барак Обама би можел да биде еден од сопствениците на Феникс Санс откако групација во која самиот е дел изразила голема желба за инвестирање во најсилното кошаркарско првенство.
Како потсетување, сопственикот на НБА тимот, Роберт Сарвер неодамна беше оптужен за расизам, сексизам и сексуално вознемирување со што е принуден да ја продаде франшизата од Аризона. Истата се проценува на најмалку четири милијарди долари, а покрај Обама како потенцијални купувачи се јавуваат и Џефри Безос, неговата поранешна сопрува Мекензи Скот, како и основачот на компанијата „Oracle“, Лери Елисон.
Барак Обама е добро познат како љубител на спортот. Тој често следи мечеви од НЦАА првенството и НБА каде јавно откри дека е навивач на Чикаго Булс.
REPORT: Barack Obama is involved in one group bidding to purchase the Phoenix Suns.
(via @BillSimmons, https://t.co/Xb20MsyzA9) pic.twitter.com/vYLx64GA4z
— Legion Hoops (@LegionHoops) October 26, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
