Наполи со доминантна игра над Сасуоло запиша нова убедлива победа во италијанската Серија, откако успеа да слави на домашен терен со 4-0.
Мечот го отвори Виктор Осимхен во 4. минута, а за кратко стрелаше и по вторпат, откажувајќи го во целост противникот по неполни 20 минути игра. Веќе во 36. минута во листата на стрелци се запиша и Квича Кварацхелија, кој постигна гол за 3-0, резултат со кој се замина на пауза.
Во вториот дел Виктор Осимхен ја потврди победата на Наполи со гол за хет-трик во 77. минута. Нашиот Елиф Елмас доби шанса за игра во 56. минута и одигра солиден натрпевар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
