Екипата на Тетекс продолжува да тоне во второлигашкото друштво, овој пат и со убедлив пораз на домашен терен од Слога Виница во последниот натпревар од 10. коло во Втората македонска фудбалска лига.
„Штофарите“ пред своите навивачи загубија со 0-3.
Гостите задачата до трите бода си ја завршија уште во првото полувреме со головите на Емир Хусеиноски во 37. минута и Иван Мицевски во 45. минута. Хусеиноски постигна и свој втор гол, во 71. минута, за конечни 0-3.
По овој пораз Тетекс со 7 бода, остана на претпоследната позиција на табелата единствено пред Борец, кој е без бодови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
