Фудбалерот на ПСВ, Анвар Ел Гази е во трка со времето за да игра на Мундијалот во Катар. Ел Гази има два настапи за Холандија, но е во процедура да го смени државјанството, откако не се најде на поширокиот список на селекторот Луј Ван Гал.
Ел Гази има потекло од Мароко, па така сега брза да извади документи за да може да заигра за оваа селекција на Мундијалот во Катар. Крилниот играч кој во минатото беше дел од Ајакс, Лил, Астон Вила, Евертон, настапуваше за младите селекции на Холандија, и нема ниту еден настап за Мароко.
Прогнозите се дека нема да успее да стигне да ги извади сите потребни докмунети за да заигра за африканската селекција, па така веројатно сонот за настап на Мундијал нема да му се оствари. Барем не оваа година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
