Компанијата „ЕА Спортс“ ја одржа традиционалната симулација на Светското првенство преку видео играта „ФИФА 23“. А, на основа на податоците за личните можности и карактерите препишани на играчите титулата заврши во рацете на Аргентина.
На патот до финалето Аргентинците ќе се сретнат со Данска во осминафиналето, Холандија во четвртфиналето и Франција во полуфиналето за финалниот натпревар против најголемиот ривал Бразил да го реши Лео Меси.
Симулациите на „ЕА Спортс“ започнаа во 2010 година на Светското првенство во Јужна Африка и досега секој пат прогнозата го донесе и победникот. Во 2014 година тоа беше Германија, а четири години подоцна Франција.
🇪🇸✅ 2010
🇩🇪✅ 2014
🇫🇷✅ 2018
🇦🇷❓ 2022EA SPORTS has got it right since 2010 👀 See how the FIFA World Cup played out in the #FIFA23 simulation and have your say 🏆 https://t.co/rQ24tEwrTg pic.twitter.com/EuiyhQnPQI
— EA SPORTS FIFA (@EASPORTSFIFA) November 8, 2022
Претходно, Светското првенство на Аргентина и го препиша и суперкомпјутерот кој, интересно со вештачка интелигенција исто така предвиде јужноамериканско финале.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
