Помалку од две недели не делат до почетокот на Светското првенство кое ќе биде далеку поразлично од тоа што сме навикнати. Бројните правила и обврски на арапската држава ќе донесат едно ново искуство, а АФП со таа цел направи подготовка за навивачите во однос на тоа што ги чека во Катар.
Самиот влез ќе донесе и рестрикции со тоа што во државата ќе биде дозволен влез само за личности кои имаат билет за натпревар и три останати придружници кои сепак ќе мораат да платат по 500 катарски ријали, односно 140 евра.
Алкохолот е легален само за немуслимани постари од 21 година, но е строго регулиран. Истиот е забранет при влез во државата, а гледачите ќе можат да пијат во меѓународните хотели каде мало пиво или чаша вино ќе чини околку 10 евра, а коктел нешто повеќе од 15 евра. Дрогата е строго забранета и дури за мала количина ќе следи остра парична казна, а не е исклучува ни можноста за затвор.
Препорачано е да не се внесува свинско месо или производи кои можат да се „сфатат како порнографија“ (видеозаписи, секс играчки), а на жените им се препорачува во јавност да бидат покриени од рамо до колена. И покрај тоа што не е утврдено со закон или пропис, на навивачите им се препорачува и да избегнуваат да покажуваат љубов на јавно место.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
