Кошаркарите на Голден Стејт го совладаа составот на Кливленд со 106-101 благодарение на првата ѕвезда Стеф Кари кој уфрли 40 поени. Беше потребна оваа партија на Кари за шампионите да слават победа против Кливленд, кој и покрај добрата партија, сепак, заминува со пораз.
Кливленд имаше водство од +11 на средината на третиот период, а потоа почнува „шоуто“ на Кари и неговите согирачи. Самиот Кари го донесе пресвртот на 1:18 до крајот, врзувајќи 10 поени од кои две тројки. Втор стрелец за Вориорс беше Еднру Вигинс со 20 поени.
Со одличната серија во последниот период од 8-1, Сакраменто Кингс му нанесоа нов пораз на ЛА Лејкерс со 120:113. Фокс со 32 поени ги предводеше Кингси до победа, а го следеше Сабонис кој уфрли 21 поен. Лејкерс без Леброн тешко се носи со противници, а најефикасен во нивните редови беше Ентони Дејвис. Инаку ова беше деветиот пораз на Лејкерс во 11 натпревари.
НБА, РЕЗУЛТАТИ
Бостон – Денвер 131:112
Орландо – Феникс 114:97
Њујорк – Детроит 121:112
Оклахома – Торонто 132:113
Сан Антонио – Милвоки 111:93
Мемфис – Минесота 114:103
Голден Стејт – Кливленд 106:101
ЛА Лејкерс – Сакраменто 114:120
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
