Благодарение на Македонија, Италија не успе да обезбеди место во Катар. Во полуфиналето во баражот, Александар Трајковски им „пресуди“ на Италијаните кои не стигнаа до бараж со Португалија, и така останаа без Мундијал.
Залудно се надеваа дека ќе исфрлат некоја репрезентација, за тие да „влетаат“ на нивното место. Тоа не се случи, а Леонардо Бонучи уште еднаш кажа дека е болно да се гледа отворање на Мундијал од ТВ екраните, што Италијаните го прават двапати по ред.
„Разочарани сме и тажни. Ја гледавме церемонијата на отворање на Светското првенство, а тоа многу болеше. Меѓутоа не вреди сега да жалиме, тоа е минато кое не можеме да го смениме, но можеме да гледаме во иднината. Како што изградивме тим за ЕП после разочарувањето од Мундијалот во 2018 година, така можеме и сега“, рече Бонучи.
Италија минатата година го освои Европското првенство со победа на пенали над Англија во финалето.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
