Саудиска Арабија го приреди најголемото изненадување на досегашниот Мундијал совладувајќи го еден од фаворитите за пехарот, селекцијата на Аргентина. Меси и другарите имаа одличен прв дел, водство и дури три поништени гола, неколку шанси, но во вториот дел како да се сменија улогите. Меси од пенал во 10. минута донесе водство.
Во вториот дел како да излезе некоја друга селекција на Саудиска Арабија, па набрзина преку Ал Шехри во 48. минута и преку Ал Давсари во 53. минута дојдоа до шокантна предност.
Во неверување беа Аргентинците, па никако не можеа да ги спојат редовите. Напаѓаше Аргентина, но премногу ги форсираа страничните позиции, па сето тоа беше лесен плен за одбраната на Саудијците за голем триумф, и голем шок за Аргентина и Меси, кому ова му е последно Светско првенство.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
