Репрезентацијата на Јапонија го направи второто големо изненадување на Мундијалот, совладувајќи ја селекцијата на Германија која влезе како апсолутен фаворит од овој натпревар. Јапонците во второто полувреме ги искористи катастрофалните реакции на одбранбените играчи на Германците, и дадоа два гола за голема победа.
Германија водеше по 32. минути откако Гундоган од пенал поведе. Претходно поништен гол на Јапонија, а потоа и поништен гол на Германците.
Во вториот дел Јапонија целосно се отвори и успеа да дојде до шанси, но Нојер ги држеше во предност. И голманот на Јапонија имаше неколку супер интервенции, а потоа следуваше целосен „потоп“ на Германците.
Најпрво Доан во 75. минута успеа да израмни откако одбраната на Германија не успеа да расчисти, и ја собра одбиената топка од Нојер. Потоа и Асано го доби дуелот со Шлотербек, и ја „протна“ топката во мрежата на Нојер во 83. минута.
Залудни беа нападите на Германија во финишот, кога Јапонија успеа да освои големи три бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
