Иако беа големи очекувањата фудбалската репрезентација на Србија катастрофално го почна Мундијалот во Катар, откако во првите два меча забележа пораз од Бразил и неочекувано реми со Камерун.
И покрај сите проблеми и очајната игра Србите повторно сами одлучуваат за својата судбина и со триумф над Швајцарија во последното коло тие ќе бидат дел од нокаут фазата на Мундијалот.
На првите два натпревари Душан Влаховиќ имаше мала минутажа против Бразил, а против Камерун не ни влезе во игра. Селекторот Драган Стојковиќ Пикси вели дека Влаховиќ е повреден, но тоа не е вистинската причина.
Откако претходно медиумите од нашиот северен сосед пренесоа дека има конфликт меѓу селекторот и првата ѕвезда, сега излегуваат нови детали околу целата сапуница.
Имено пред шампионатот Влаховиќ имал романтична врска со сопругата на голманот на репрезентацијата Предраг Рајковиќ. Нешто што ја дополнува оваа информација е фактот дека Рајковиќ беше стандарден на голот на репрезентацијата во текот на квалификациите и Лигата на нации, а на шампионатот него на голот го замени Вања Милинковиќ Савиќ. Србите шпекулираат дека токму поради целата ситуација Пикси се одлучил додека не се реши проблемот и двајцата играчи да бидат надвор од тимот.
Србија одлучувачкиот меч против Швајцарија го игра в петок со почеток од 20 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
