Најновиот скандал во Катар за време на Мундијалот го креираа жените и девојките на репрезентативците на Велс и тоа со забава која излегла надвор од границите на пристојноста, а која спонтано ја организираа по еден првично мирен ручек.
Освен што фудбалерите на Велс не демонстрираа никаков квалитет на теренот, уште полоша слика испратија нивните сопруги и девојки, ако се знае дека уште случувањата од забавата со многу алкохол и неконтролирано однесување ја споделија и по социјалните мрежи.
Како што пренесува „Дејли мејл“, имало и многу вулгарни танцувачки перформанси во бикини и тоа на најблиската плажа, сето тоа испратено со многу алкохол што го привлекло вниманието и на властите во Катар.
За сето тоа веќе имало реакција до Фудбалската федерација на Велс. Не се знае дали ќе има некакви санкции, согласно законите во Катар, но едно е сигурно дека веќе денеска си заминуваат од земјата заедно со своите мажи и момчиња…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
