Валенсија стигна до петата победа во Евролигата откако во 11. коло славеше на гостувањето во Белград кај Партизан со 96-100. За победник на драматичниот натпревар беа дополнителни пет минути во кои на 10. секунди до крајот Партизан имаше негатива од еден посед (96-98) и напад, но Нанали ја изгуби топката, а Хартер од линијата за слободни фрлања го постави конечниот резултат.
Со 22 поени и 10 скока Лесор беше лидер на Партизан, додека Ривери ја предводеше Валенсија со 22 поени и 6 скока.
Претходно Басконија славеше на домашен терен против Милано со 78-62 продолжувајќи ја агонијата на италијанскиот состав кој досега има само три победи во првенството, додека француското дерби му припадна на Монако кој славеше кај Асвел со 75-84.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
