Напаѓачот на Шпанија Алваро Мората, коментираше за поразот од Јапонија на Светското првенство во Катар. Неговата селекција и покрај поразот, успеа да се пласира во следната фаза благодарение на подобрата гол разлика.
Мората смета дека доколку Шпанија ја повтори играта како против Јапонија, брзо ќе завршат со настапите во Катар.
„Ова е фудбал и тоа што се случи е неверојатно. Важно е што се пласиравме во следната рунда. Ова е за анализа но треба добро да се замислиме. Речиси на секој Мундијал има тешки моменти кои ќе мора да се надминат. Мора да продолжиме да веруваме во себе. Веќе почнуваме да се фокусираме на следните натпревари и ќе се обидеме овој пораз да не се повтори, во спротивно ќе мора да си одиме дома“, рече Мората.
Шпанија како второпласирана ќе игра против Мароко во 1/8 финалето.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
