Селекторот на Швајцарија Мурат Јакин, после пласманот на репрезентацијата во 1/8 финалето најави победа и над Португалија и пласман меѓу најдобрите осум на Светското првенство во Катар.
Тој после средбата со Србија кажа дека неговата селекција можела да постигне повеќе голови и дека тоа било емотивен натпревар.
„Можевме да постигнеме повеќе голови, но важно е што сме пласирани во 1/8 финалето. Честитки за моите играчи. Имаме шанси и против Португалија. Сакаме да испишеме историја. Ако ги исполниме сите задачи, тогаш се е можно“, рече Јакин.
Околу натпреварот и тензиите со Србија, тој рече дека дуелот бил со многу емоции.
„Имало многу слични вакви инциденти во фудбалот. Во такви натпревари сите емоции работат. Нема шанси да го играме овој меч без емоции“, рече Јакин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
