Англија доживеа елиминација од Франција во четвртфиналето на Мундијалот во Катар. Трагичар кај Англичаните беше капитенот Хари Кејн кој во 84. минута не реализираше пенал за 2-2.
А, дека на Кејн воопшто не му е лесно по тоа промашување беше јасно по крајот на мечот кога остана сам расплакан на теренот не верувајќи дека е причината за елиминацијата на неговата селекција.
Ситуацијата можеше да ја смири само селекторот Герет Саутгејт кој го утеши Кејн на терен, но и на официјалната прес-конференција истакна дека промашувањето воопшто не е важно затоа што Кејн останува лидерот на оваа англиска селекција.
„За мене, ние победуваме и губиме како тим. Примивме два гола и промашивме шанси кои можеби можевме да ги реализираме. Хари Кејн толку пати беше неверојатен за репрезентацијата. Така поуздан и доследен до крај. Ние немаше да бидеме тука да не беа головите кои ги постигна за нас“ – истакна Саутгејт и дополни:
„Мислам дека со играта заслуживме повеќе од овој меч. Им кажав на играчите дека не можеа да дадат повеќе од себе отколку што дадоа, а одлучија само нијанси. Горд сум на начинот на кој го одигравме овој турнир. Честитки на Франција. Не можевме да направиме ништо повеќе“.
I am a huge Gareth Southgate fan… Sticks his neck out for his team, there to console them when they need it… And oh yes, keeps getting results.
Best #ENG manager ever. https://t.co/Lkj4nZVCTF— Maximiliano Bretos (@MaxBretosSports) December 11, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
