Поранешниот македонски репрезентативец и воедно легенданта на македонската кошарка, Владо Илиевски доби награда за животно дело од страна на Општина Струмица на одбележувањето на Денот на заштитниците на градот – Светите петнаесет Тивериополски свештеномаченици.
Илиевски професионалната кариера ја започна во Неметали Огражден, а оттаму премина во Партизан. Во богатата кариера ги носеше дресовите и на Анталија, Олимпија, Барселона, Рома, Болоња, Монтепаски, Тау Керамика, Ефес, Локомотив Кубањ, Цедевита Загреб, Нумбург, Цибона, Орландина и Работнички.
Тој беше дел од најголемиот успех на македонската кошарка во 2011 година кога на Евробаскетот во Каунас, Македонија го освои четвртото место, а токму Илиевски ја постигна победоносната тројка во четвртфиналниот меч против Литванците.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
