Капитенот на хрватската репрезентација Лука Модриќ изјави дека неговиот тим прави неверојатни работи на второ Светско првенство во низа.
Хрватска го елиминира Бразил и по трет пат во историјата се пласираше во полуфиналето на Светското првенство.
„Импресивно е повторно да се биде во полуфиналето на Светското првенство, ова што го прави овој тим е нешто неверојатно. Нормално е дека сите повеќе гледаат во големите земји. Бидејќи сме мала земја, никој не не зема во предвид, но немаме проблем другите да бидат фаворити, а ние да бидеме во сенка. Тоа е нешто над кое немаме контрола. Аргентина е голем тим, не играме само против еден играч. Секако дека Лео Меси е одличен, нивниот најдобар играч и ќе имаме многу потешкотии да го спречиме, но ние сме подготвени и ќе дадеме се од себе. Да се обидеме да го одиграме најдобриот меч на турнирот и во нашите животи. Се надевам дека тоа ќе биде доволно за финалето“, изјави Модриќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
