Околу 10.000 полицајци, вклучувајќи 5.000 во Париз и регионот, се мобилизирани за среда навечер кога Франција игра против Мароко, објави францускиот министер за внатрешни работи, Жералд Дарманин.
Прецизираше дека најпознатата улица „Шанзелизе“ нема да биде затворена за сообраќај за време и после натпреварот со Мароко, иако градоначалникот на Париз го сакаше сосема спротивното, за да се запази безбедноста на овој булевар.
Околу 1.500 полицајци беа минатата недела кога Мароко и Франција се пласираа во полуфиналето. Тогаш 20.000 лица се собраа во центарот на Париз за да го прослават пласманот на Мароко, а потоа и на Франција.
Во Франција има многу Мароканци, па за да не дојде до проблеми, француската полиција уште од сега презема мерки.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
