Лука Вилдоза ја немаше привилегијата да го проследи полуфиналниот натпревар на Светското првенство во Катар помеѓу неговата Аргентина и Хрватска, но Аргентинецот ја почувствува победата над својата татковина пред осум илјади навивачи на Црвена Звезда.
Вилдоза одигра нов одличен натпревар во „црвено-белиот“ дрес за што доби овации од публиката во Белград која притоа скандираше и „Аргентина, Аргентина“ во чест на пласманот во финалето, но и во чест на својот предводник.
„Неверојтно. Љубовта која ја чувствувам од навивачите не можам да ја опишам, а и јас ја возваќам. Пресреќен сум што настапувам пред нив. Во текот на мечот каде и да погледнев луѓето ми кажуваа како се одвива натпреварот. На крајот дури и скандираа „Аргентина, Аргентина“. Ја обожавам Србија, Србите се луди како Аргентинците, живеат со страст“, изјави по мечот Вилдоза.
Crvena Zvezda 🇷🇸 fans cheered for Argentina 🇦🇷 tonight at the Euroleague match. pic.twitter.com/PBlkvRn6rd
— Based Serbia (@SerbiaBased) December 13, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
