Кристијано Роналдо беше елиминиран со Португалија во четвртфиналето на Мундијалот, а сега се очекува да потпише рекорден договор. Шпанската „Марка“ тврди дека Роналдо сакал да остане во Европа, но одлуката паднала на Саудиска Арабија.
Португалскиот напаѓач договорил се со Ал Наср и треба да потпише договор вреден 500 милиони евра.
„Во Ал Наср чекаат Португалецот да потпише пред крајот на 2022 година. Ќе добие договор до јуни 2025 година и 500 милиони евра“, тврди Марка.
Саудијците го гледаат доведувањето на Роналдо како голем чекор во борбата за домаќинство на Светското првенство во 2030 година. Ал Наср е клуб од Ријад, предводен од поранешниот тренер на Рома, Руди Гарсија. Најголеми ѕвезди во тимот се голманот Оспина и поранешниот играч на Виљареал, Алваро Гонзалес. Тој е вториот најтрофеен саудиски клуб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
