Паскал Сиаким ја имаше најдобрата индивидуална партија изминатава ноќ во НБА лигата. Торонто славеше на гости против Њујорк никс со 106-113, а Сиакам погоди 17 од 25 шута од игра постигнувајќи неверојатни 52 поени.
Покрај тоа Сиаким во триумфот на Торонто имаше и девет скока, седум асистенции и по една освоена и загубена топка.
Here are all 17 made field goals from Pascal Siakam on his way to 52 points
(17/25 FG, 2/6 3PT, 16/18 FT, 9 REB, 7 AST)Yessir. pic.twitter.com/AajuZJPW9m
— Amit Mann (@Amit_Mann) December 22, 2022
Лош меч одиграа актуелните шампиони Голден стејт кои се десеткувани поради повреди. Загубија на гостувањето во Бруклин примајќи дури 143 поени за убедлив пораз од 143-113. Најрасположен играч кај нив беше Џејмс Вајсман, додека Бруклин беше предводен од Кевин Дурант со 22 поени.
ЛА Клиперс со 126-105 беа подобри од Шарлот, со 22 поени на Пол Џорџ.
ЛА Лејкерс, пак, запишаа нов пораз. Подобар од нив беше Сакраменто со 134-120. Сепак, Леброн Џејмс го продолжи својот „лов“ по Карим Абдул-Џабар, кој е најдобар стрелец во историјата на НБА лигата. Со 31 поен, Леброн Џејмс дојде до 37.686 поени во НБА кариерата, што е 701 помалку од Карим. Со просек од 27 поени оваа сезона, за преземање на тронот ќе му требаат помалку од 30 натпревари.
LEBRON JAMES! 🔥🔥
— Hoop Central (@TheHoopCentral) December 22, 2022
Детроит загуби на гостувањето од Филаделфија со 113-93. Најдобриот хрватски кошаркар, Бојан Богдановиќ постигна само 10 поени, дополнето со осум скока и две загубени топки. Домашните до победа ги водеше Џоел Ембид со 22 поени, 10 скока и шест асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
