Аргентинскиот голман Емилијано Мартинез беше пречекен од повеќе од 150.000 луѓе во својот роден град Мар дел Плата. Аргентинците во вторникот стигнаа во Буенос Аирес, каде беа пречекани од околу 5 милиони навивачи кои ја славеа титулата.
Мартинез беше пречекан во својот роден град, а тој повторно го привлече вниманието со своите контроверзни коментари. Откако неколку пати го понижуваше Мбапе со тоа што во соблекувалната побара минута молк за него, а потоа и држеше кукла со неговиот лик, сега се сврте кон Орелиен Чуамени, кој промаши пенал во серијата во финалето.
„Кога го одбранив првиот пенал, знаев дека вториот играч е нервозен. Со исфрлање на топката на страна се обидов да играм ментално, се исплаши, се по*ра“, рече голманот на Астон Вила, а насобраните му даваа овации.
Аргентинскиот голман потоа славеше во провокативен танц откако противникот ќе промаши пенал.
„Знам дека во пеналите сум силен, знам дека ме почитуваат и противничките играчи така ми кажаа“, изјави Мартинез.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
