Дербито на 19. коло во Премиерлигата помеѓу Арсенал и Њукасл донесе многу жестоки дуели на теренот, но не и голови во мрежите за 0-0.
Нкетија имаше фантастична прилика да го совлада Поуп во 88. минута, но англискиот голман беше на врвот на својата задача. При самиот крај на мечот „топџиите“ бараа и пенал откако топката го погоди Марфи во раката при нафрлување, но до удар од белата точка не дојде.
Фулам на крилја на Александар Митровиќ славеше на гостувањето кај Лестер со 0-1. Српскиот интернационалец ја затресе мрежата во 17. минута, а овој резултат остана на семафорот до самиот крај.
На убедлива победа се радуваше Брајтон кој на гостувањето кај Евертон славеше со 1-4.
Голеадата на „Гудисон Парк“ започна во 14. минта кога Митома постигна гол за гостинско водство, а откако резултатот 0-1 остана на семафорот и до крајот на првото полувреме. Гостите ја наполнија мрежата во вториот дел во кој стрелаа Фергусон, Марш и Грос за победа број осум. Поразот го ублажи Греј кој реализираше од белата точка во 92. минута.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА