Денеска Кристијано Роналдо го очекува официјалното деби во дресот на Ал Наср кој на домашен терен во шампионатот на Саудиска Арабија го пречекува Ал Тае.
За првпат во кариерата Роналдо денеска ќе настапи за клуб надвор од Европа, нешто кое малку се очекуваше ако се суди според неговите ставови до пред само неколку години.
Со денешното деби за тим од Саудиска Арабија, Кристијано Роналдо, пак, официјално ќе плукне на се што зборуваше во своите интервјуа пред неколку години.
„Во мојата глава, сакам да ја завршам кариерата на високо ниво. Сакам да завршам достоинствено, навистина добро. Во добар клуб. А тоа не значи да одам во Америка, Катар или Дубаи“ – изјавуваше Роналдо.
View this post on Instagram
Но, на претставувањето во Саудиска Арабија ја смени плочата и сега е горд што дошол тука…
„Горд сум на овој чекор. Мојата приказна во Европа е готова. Играв за најдобрите клубови во Европа и сега и благодарам на Саудиска Арабија на можноста за нов предизвик“ – рече Роналдо на претставувањето во Ал Наср.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
