Лидерот во Евролигата, екипата на Барселона шокирана на домашен терен во 17. коло со неочекуван пораз од нископласираната Виртус Болоња.
Каталонскиот тим загуби со 75-83, во натпревар во кој гостите одиграа одлично уште од самиот почеток. Барселона очигледно го потцени противникот на стартот кој ја доби првата четвртина со 15-26. Потоа домашните се обидоа да се вратат во игра, но не успеаја во тоа, па Виртус со одлична игра и во последната четвртина која ја доби со 18-23, дојде до конечната победа од 75-83.
Најефикасен во победничкиот тим беше Лундберг со 19 поени, а со 14 постигнати поени заврши Семи Оџелеј. Во домашниот состав Весели запиша 12 поени, а Оскар Да Силва постигна 11 поени, дополнети и со шест скока.
Во првите два денешни натпревари, Жалгирис му оддржа лекција на Фенербахче победувајќи со убедливи 86-66. Продолжува кризата на Турците кои шест едноподруго натпревари не знаат за победа. Алба Берлин, пак, ја победи Басконија со 85-84, а Баерн го победи Панатинаикос со 84-68.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
