Лацио прокоцка нови бодови во борбата за највисок пласман откако римскиот клуб ремизираше 2-2 на домашен терен против екипата на Емполи.
За трагедијата на тренерот Сари и неговите избраници да биде поголема, „лацијалите“ во вториот дел имаа водство од 2-0, но и тоа беше недоволно за да се стигне до цел плен. Мечот почна со автогол на еден гостински играч веќе во 2. минута, а во второто полувреме на 2-0 зголеми Закањи.
Римјаните делуваа во тотална контрола се до 83. минута, кога Капуто одлично се снајде и намали на 2-1. Тој гол им даде крилја на гостинските фудбалери, кои притиснаа и во судиското продолжение го замолкнаа „Олимпико“, кога Марин биеше прецизно од работ на шеснаесетникот.
Во вториот натпревар од денешната попладневна програма Специја и Лече ремизираа 1-1.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
