Многумина очекуваа по Светското првенство во Катар, Дидие Дешамп да ја напушти селекторската функција на Франција а на негово место да биде именуван Зинедин Зидан.
А, со именувањето на Зидан се очекуваше во репрезентацијата да се врати и Карим Бензема. Но, Дешамп изненади со одлуката да остане на селекторската функција, а тоа го прифати и Француската фудбалска федерација.
Зидан, така, остана без работата на која се надеваше за да веднаш после тоа се појавија шпекулации дека има понуда да ја преземе репрезентацијата на Бразил.
Претседателот на француската федерација, Ноел Ле Грат разговараше со домашните медиуми токму на темата Зидан и можноста да го преземе Бразил, на што беше навистина изненадувачки жесток.
„Немам ништо да кажам, нека оди каде што сака. Во клуб или во репрезентација, тоа не ме интересира ниту најмалку. Дали се обидел да ми се јави? Секако дека не, а и да ме побара јас не би му се јавил“ – истакна Ле Грат.
Noël Le Graet : « Zidane au Brésil ? J’en ai rien à secouer, il peut aller où il veut ! Dans un club ou même une sélection, j’y crois à peine en ce qui le concerne. Est-ce qu’il a tenté de me joindre ? Certainement pas, je l’aurais même pas pris au téléphone. » pic.twitter.com/QV7sCDhcSa
— Instant Foot ⚽️ (@lnstantFoot) January 8, 2023
Сето тоа наиде на револт во француската јавност, за да на тие зборови од претседателот на федерацијата одговори Килијан Мбапе, кој на својот твитер профил одлучи да му одговори на претседателот…
„Зидан е Франција, ние не покажуваме такво непочитување кон нашите легенди“ – напиша Мбапе.
Zidane c’est la France, on manque pas de respect à la légende comme ça… 🤦🏽♂️
— Kylian Mbappé (@KMbappe) January 8, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА