Серхио Агуеро повторно ќе заигра фудбал. Овој пат на 28. јануари како гостувачка ѕвезда на „Жолтата ноќ“ во дресот на екипата на Барселона де Еквадор од Еквадор, на мечот на кој ќе се претставува новата екипа за новата сезона на овој клуб.
Самиот Агуеро потврди дека ќе гостува на ревијалниот натпревар на бројни светски ѕвезди од Латинска Америка.
„Се радувам што повторно ќе се вратам на фудбалот и ќе се забавувам. Веќе имав кардиолошки преглед, добро се чувствувам и веќе почнав да тренирам, па ќе може да играм на ‘Жолтата ноќ’“ – истакна Агуеро.
Sergio “El Kun” Agüero 🇦🇷, goleador de clase mundial, es la estrella invitada a la #NocheAmarilla 🤩
Gracias a #BetanoEcuador.#AgueroNA2023 #NA2023 🎆 pic.twitter.com/PMiGuqcBkn
— BARCELONA S.C. (@BarcelonaSC) January 8, 2023
Агуеро ќе биде осма светска ѕвезда повикана на „Жолтата ноќ“. Пред него беа Роналдињо како гостин во 2016 година, Диего Форлан во 2017, Кака во 2018, Андреа Пирло во 2019, Алесандро Дел Пјеро во 2020, Хавиер Маскерано во 2021 и Карлос Тевез минатата година.
Барселона де Еквадор е еден од најстарите клубови во таа земја. Освоиле 16 трофеи шампион и никогаш не испаднале од најсилната лига. Имаат и две финалиња во Копа Либертадорес.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА