Кошаркарите на Партизан го претрпеа 11-тиот пораз во Евролигата, откако вечерва не успеаја да ја издржат Валенсија и загубија со 89-81. Шпанскиот тим натпреварот го реши со одличните две први четвртини, а белградскиот тим во вториот дел се обиде да се врати, и успеа во тоа, но на крајот немаше сила да направи пресврт.
Првиот период Валенсија го доби со девет разлика, а на полувреме замина со +10. Третата четвртина Валенсија добро ја држеше предноста, а во последната четвртина една добра серија на Партизан со која се доближи двапати на само -3. Меѓутоа Шпанците во финишот беа поконцентрирани и на крајот успеаја да го добијат мечот.
Залудни беа 22 поени на Ексум од Партизан, додека најефикасен кај Валенсија беше Дубљевиќ со 20 поени.
Фенербахче успеа да го совлада Монако, и тоа дури по продолженијата. Турскиот тим се намачи, откако регуларниот дел заврши 84-84. Продолжението Фенер успеа да го добие со 14-10 за триумф. Џејмс од Монако беше најефикасен со 23 поени.
Макаби Тел Авив со 87-74 го совлада тимот на Алба Берлин, додека Барселона триумфираше на гостувањето кај Басконија со 85-78, благодарение на одличната последна четвртина. Виртус беше подобар од Панатинаикос со 74-64.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
