Украинскиот претседател Володимир Зеленски во разговор со неговиот француски колега Емануел Макрон изјави дека на руските спортисти треба да им се забрани учество на Олимписките игри во Париз следната година.
Нападот на Русија врз Украина започна на 24. февруари минатата година, три дена по затворањето на Зимските олимписки игри во Пекинг.
„Посебно инсистирав руските спортисти да немаат свое место на Олимписките игри во Париз“, рече Зеленски по телефонскиот разговор со Макрон.
Меѓународниот олимписки комитет (ИОК) ги суспендираше Русија и Белорусија, бидејќи нападот започна од територијата на Белорусија, а во новогодишната порака претседателот на МОК, Томас Бах рече дека сака спортските санкции да бидат продолжени во текот на 2023 година.
Зеленски и Бах го изразија своето цврсто противење на ставот на Американскиот олимписки и параолимписки комитет, кој во средината на декември се залагаше за учество на руски и белоруски спортисти на Олимпијадата во Париз, под услов да не ги носат симболите на нивните земји.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
