Фудбалерите на Челси и трет натпревар во низа не успеаја да стигнат до победа откако во премиерниот натпревар од 23. коло во англиската Премиер-лига ремизираа 1-1 на гостувањето кај градскиот ривал Вест Хем.
И покрај големиот број на играчи кои ги доведе Челси во јануарскиот преоден рок се уште не можат да ја најдат потребната форма и да победат. Тренерот Греам Потер по мечот изјави дека тие се тим кој се обидува да ги вклопи играчите.
„Второто полувреме беше точен одраз на тоа кои сме ние во моментов. Ние сме тим кој се обидува да се вклопи во нови играчи кои се уште се прилагодуваат на Премиерлигата. Мислам дека го видов потенцијалот во текот на првиот дел од натпреварот. Се разбира, не можете да контролирате што велат луѓето надвор од клубот, го слушаме тоа, но продолжуваме да работиме. Имаме добра група, возбудени сме за играчите и потенцијалот што го имаат, но се уште имаме многу работа“, изјави Потер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
