Најдобриот македонски тенисер Калин Ивановски имаше неверојатен ден на ИТФ фјучрсот во тунискиот град Монастир, откако одигра два маратонски меча во вкупно траење од шест часа и триесет минути и успеа да се пласира во ново полуфинале.
Тој на турнирот вреден 15 илјади американски долари прво денеска по 3.17 часа славеше на Италијанецот Андреа Пичоне со 2-1, по сетови 4-6, 7-6 и 7-5, а потоа во натпревар кој траеше повеќе од три часа беше подобар исто така со 2-1 (7-5, 2-6 и 6-1) против вториот Италијанец Федерико Јанаконе.
Утре во полуфинале Ивановски ќе се сретне со уште еден (трет) Италијанец Фабрицио Андалоро.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
